Topik Tamona Herevalaia, to Magasin Ruaosi Hariharilaia

Gima Kohorona bona Awake! lalodiai topik idauidau idia noho. Namo lasi ruma ta ta ai magasin ibounai ita herevalaia, to ena topik tamona ita herevalaia. Bema magasin edia topik ibounai ita diba bona ruma tauna ena noho gabuna ita itaia namonamo, vadaeni ruma tauna ese ia laloa bada topik ita herevalaia diba. Hegeregere, bema ruma lalonai o murimurinai natu edia gadara gaudia ita itaia, reana ruma bese ia herevalaia atikol ita gaukaralaia diba. Bema tau ta be iduara ia kehoa, reana tatau ese idia laloa bada topik ta, hegeregere gavamani namona ita herevalaia diba. Ena be topik tamona ita herevalaia, to bema ruma tauna ia kamonai, vadaeni magasin ruaosi ita hariharilaia be namo.