Haroro Herevadia

October Ena Saturday Ginigunana ai Baibel Stadi Hamatamaia

“Hari ai be emai dekena taudia ai vadivadi henia. Ai hereva henia taudia momo idia gwau, edia lalokau tauna ta ia mase neganai, idia daradoko. Oi danu be unai bamona, a? [Haere naria.] Inai magasin ena hereva lau moalelaia.” Ruma tauna dekenai October 1 Watchtower ena rau ginigabena oi hahedinaraia, bena paragraf ginigunana bona siri umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower October 1

“Ai be taunimanima ai hagoadaia Baibel idia duahia totona. Ai itaia haida be Baibel idia laloa bada, ma haida be lasi. Dahaka oi laloa? [Haere naria.] Baibel ena hereva mani oi itaia. [1 Tesalonika 2:13 duahia.] Momokani, Baibel be Dirava ena buka dainai, ita duahia be mai anina bada. Inai magasin ese ia hahedinaraia Baibel ai be dahaka idia noho bona dahaka dainai ita laloa bada.”

Awake! October

“Oi laloa moni momo lasi taudia idia moale danu, a? [Haere naria.] Baibel ena hereva mani oi itaia. [1 Timoteo 6:8 duahia.] Inai magasin ese ita do ia durua moni dekenai lalohadai maorona ita abia, bona moni amo ita hoia diba lasi gau badadia toi ia herevalaia.”