Haroro Herevadia

October Ena Saturday Ginigunana ai Stadi ta Hamatamaia

“Ai be emai dekena taudia ai vadivadi henia bona gavamani namona ai herevalaia. Oi laloa gavamani ta ese dagedage bona kara gageva ma haida ia haorea diba, a?” Haere naria. Ruma tauna oi hadibaia Mataio karoa 6 ai Iesu be ena aposetolo taudia ia hadibaia unai bamona gavamani ta totona do idia guriguri​—unai be Dirava ena Basileia. Ruma tauna dekenai October 1 Watchtower ena rau ginigabena oi hahedinaraia, bena paragraf ginigunana bona siri umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower October 1

“Ai be emai neiba dekenai, Iesu ese aposetolo taudia dekenai ia hadibaia gurigurina ai herevalaia. [Mataio 6:9, 10 duahia.] Dirava ena Basileia ena anina, bona Iesu ese unai Basileia ia harorolaia momo ena badina be ta ese oi dekenai ia hadibaia namonamo, a? [Haere naria.] Inai magasin be Baibel amo ia hahedinaraia Dirava ena Basileia ena anina be dahaka, bona ia ese tanobada ai dahaka gau namodia haida do ia havaraia.”

Awake! October

“Ai vadivadi badina ai ura taunimanima ai durua inai henanadai ena haere idia diba totona. [Magasin ena vairana kahana hahedinaraia.] Oi laloa moni o kohu ia habadaia tauna be do ia kwalimu, a? [Haere naria.] Baibel ia gwau, moni bona kohu dekenai ita naria namonamo be namo. [Luka 12:15 duahia.] Baibel ia hahedinaraia, taunimanima idia kwalimu diba. Inai magasin ese unai ia herevalaia.”