Haroro Herevadia

March Ena Saturday Ginigunana ai Baibel Stadi Hamatamaia

“Ai vadivadi bona April 14 ai do ai abia hebou badana ta ai kikilaia. Unai be Iesu ena mase laloatao dinana. Haida be unai dina ai do idia hebou badina idia laloa Iesu ena mase be mai anina bada. To ma haida be Iesu ena mase ena badina idia diba lasi. Oi laloa Iesu ena mase ese oi bona lau do ia durua, a?” Haere naria. March 1 Watchtower ena rau ginigabena oi hahedinaraia, bena henanadai ginigunana bona siri ta umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

March 1

“Momo idia ura diba, dahaka dainai Dirava ese tanobada ai kara gageva bona hisihisi ia haorea lasi. Oi laloa badina Dirava be ita ia laloa lasi, a? Eiava oi laloa Dirava ia ura ita hisihisi, a? [Haere naria. Bena Ioane 3:16 duahia.] Ena be momo ese inai siri ena hereva idia gwauraia amo idia hahedinaraia Dirava be ita ia laloa bada, to Dirava ena Natuna ena mase ese idia ia durua dalana be idia diba lasi. Inai magasin ese ia hahedinaraia edena dala ai Iesu ena mase ese dala ia kehoa Dirava ese tanobada ai kara gageva bona hisihisi ia haorea totona.”

Awake! March

“Ai vadivadi bona ai ura Baibel siri ta ai kikilaia namonamo badina ai itaia momo ese unai siri idia gaukaralaia kerere. [Genese 1:1 duahia.] Haida idia abia dae Dirava ese iunives ia havaraia, to ma haida be unai idia abia dae lasi. Emu lalohadai be dahaka? [Haere naria.] Momo idia laloa Dirava ese gau ibounai ia havaraia lasi, badina dubu gunalaia taudia ese idia hadibaia gauna be Baibel amo lasi. Inai magasin be Baibel ena haere maorona bona iunives ia vara dalana ia herevalaia namonamo.”