Haroro Herevadia

December Ena Saturday Ginigunana ai Baibel Stadi Hamatamaia

“Ai be famili ta ta ai vadivadi henia. Tama sina momo idia ura edia natudia be Dirava do idia lalokau henia. Oi laloa tama sina ese natudia dekenai Dirava lalokau henia karana idia hadibaia, eiava natudia sibona ese unai do idia dibaia?” Haere naria. Ruma tauna dekenai December 1 Watchtower ena rau ginigabena oi hahedinaraia, bena paragraf ginigunana bona siri ta umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

December 1

“Ai vadivadi bona taunimanima ida Dirava ai herevalaia. Ita diba taunimanima edia lalohadai Dirava dekenai be idauidau. Taunimanima ese Dirava be siahu ta bamona idia laloa, eiava ia be turana namona ta bamona idia laloa? [Haere naria.] Baibel ese ita ia hadibaia Dirava ida edena bamona hetura karana ita moalelaia. [Iamesi 4:8a duahia.] Inai magasin ese Dirava kahirakahira ita lao daladia toi ia herevalaia.”

December

“Ai vadivadi bona momo ese idia davaria gorere ta ai herevalaia. Orea ta (World Health Organization) ia gwau, taunimanima foa foa amo ta ta be nega haida kwara gorere idia abia. Oi laloa unai gorere be ia bada ia lao, a? [Haere naria.] Baibel ese ita ia hagoadaia vaira negana ai, gorere bona hisihisi do idia ore. [Apokalupo 21:3, 4 duahia.] Inai magasin ese kwara gorerena dekenai do ita dibaia gaudia haida ia herevalaia.”