Dirava amo Ia Mai Aonegana ese ta Lalodika Henia Kava Karana Ia Halusia

Iehova be taunimanima edia toana ia laloa lasi. (Ka 10:34, 35) Ia ese ‘bese ibounai, iduhu ibounai, kopina bona gado idauidau’ taudia ia abia dae. (Apo 7:9) Unai dainai, Keristani kongrigeisen lalonai haida sibona kara namo henia o ta lalodika henia kava karana be kerere. (Ia 2:1-4) Iehova ita tanikiu henia badina ia ese Baibel amo ita ia hadibaia, unai amo eda tadikaka taihu huanai ia noho maino ita moalelaia diba, badina ita itaia unai maino ese taunimanima edia kara ia haidaua. (Is 11:6-9) Namona be ita gaukara goada iseda kudouna ai, ta lalodika henia kava karana ita dadaraia totona, unai amo sibona ita hamomokania ita be Dirava ita tohotohoa taudia.​—Ef 5:1, 2.

VIDIO LADANA JOHNY AND GIDEON: ONCE ENEMIES, NOW BROTHERS, ITAIA MURINAI HENUNAI HENANADAI HAERELAIA:

• Dahaka dainai Dirava amo ia mai aonegana ese taunimanima edia palani, ta lalodika henia kava karana kokia totona, ia hereaia?

• Tadikaka oreana lalonai, dahaka oi moalelaia?

• Keristani lalotamona karana ita hahedinaraia neganai, edena dala ai ita hahedinaraia ita be Iehova ita hanamoa?