Baibel Idia Herevalaia Bukadia Gaukaralaia Namonamo

Iesu ia gwau: “Umui abia davana lasi, umui henia davana lasi.” (Mat 10:8) Unai hakaua herevana dainai, taunimanima dekenai Baibel eiava iseda pablikeisen ita hariharilaia neganai, edia davana (price) ita gwauraia be namo lasi. (2 Kor 2:17) To, unai pablikeisen lalonai be Dirava ena Hereva momokanidia idia noho. Eda pablikeisen printaia bona tanobada ibounai ena kongrigeisen dekenai siaia totona, tadikaka be idia gaukara goada bona moni bada idia negea. Unai dainai, ita ura gaukaralaia pablikeisen o Baibel sibona ita abia be namo.

Haroro gaukara ai bona pablik gabudiai buka bona magasin ita hariharilaia neganai, aonega ita gaukaralaia be namo. (Mat 7:6) Namo lasi ia raka hanai tauna dekenai buka o magasin oi henia kava, to namona be ia oi hereva henia danu, unai amo do oi itaia ia be kamonai tauna o lasi. Maua ladana “Ita Haroro Henia Tauna be” ai idia noho henanadai ta dekenai emu haere be ‘oibe,’ a? Bema ta ia kamonai lasi, vadaeni pepapepa oi henia. To bema magasin o buka ta ia ura, vadaeni kopi ta oi henia.​—Aon 3:27, 28.