ISEDA HARORO HANAMOA DALADIA—Iseda Teritori Ai Idia Noho Taudia Ibounai Ita Hereva Henia

DAHAKA DAINAI MAI ANINA BADA: Sekaraia ia peroveta taunimanima bese bona gado idauidau amo be mai ura ida sivarai namona do idia kamonai. (Sek 8:23) To Daika ese idia do ia hadibaia? (Ro 10:13-15) Iseda maduna be teritori ai idia noho taudia ibounai dekenai sivarai namona ita herevalaia be hahenamo badana.​—od 84 par. 10-11.

KARAIA DALANA:

• Hegaegae. Nega haida gado idauna idia hereva taudia oi davaria? JW Language app oi gaukaralaia diba auka lasi haroro herevadia oi tohoa totona. Eiava emu mobael fon oi gaukaralaia ta dekenai, jw.org oi hahedinaraia, bona edena bamona ena gado ai hereva ma haida ia davaria totona

• Itaia namonamo. Bema oi be ruma ta ruma ta dekenai oi haroro, idia raka hanaia taudia eiava motuka ai idia naria noho taudia oi haroro henidia danu. Bema oi be pablik gabudia ai oi haroro, namona be gau tamona sibona oi laloa unai be haroro gaukara

• Gaukara goada. Ruma dekenai idia noho lasi taudia ita davaria totona ita hekwarahi be namo. Namona be ita gaukara goada ruma ta ta ai ta ita hereva henia totona, reana nega ma ta ai eiava wiki ma ta ai. Ruma taudia ita hereva henia diba revareva amo, telefon, o pablik gabuna ai ita haroro neganai

• Badina dalana. Kamonai tauna ena ura habadaia totona ita giroa haraga. Bema ita davaria tauna ta be gado idauna ia hereva, namona be ena gado ia diba namonamo tauna ta ita tahua do ia durua totona. To ia oi vadivadi henia noho ela bona ena gado ia diba pablisa ta be ia ida idia hedavari.​—od 94 par. 39-40

“TANOBADA ENA DAUDAU MOMOKANI GABUDIA DEKENAI,” ITA HARORO VIDIO HAHEDINARAIA BENA HENUNAI IDIA NOHO HENANADAI HAERELAIA:

• 

  Tadikaka bona taihu be dahaka idia karaia daudau teritori dekenai idia noho taudia idia haroro henia totona? (1Ko 9:22, 23)

• 

  Dahaka koua gaudia idia hanaia?

• 

  Dahaka hahenamo idia moalelaia?

• Emu teritori ai idia noho taudia haida oi haroro henia totona dahaka oi karaia diba?