Dala Karaia Taunimanima Ibounai Haroro Henia

Iehova ese Israela taudia be orea ta ta ai ia atoa hegeregerena, hari ena taunimanima dekenai unai bamona ia karaia, unai amo ena ura idia karaia diba. Tanobada hegegemadai dekenai, brens ofesi, sekit ta ta, kongrigeisen bona haroro grup ta ta idia gaukara hebou sivarai namona idia harorolaia totona. Taunimanima ibounai ita haroro henia, ena be haida edia gado be idau.​—Apo 14:6, 7.

Oi be gado ma ta oi dibaia unai amo ta oi durua hereva momokani ia dibaia totona, a? Ena be nega lasi gado ma ta oi dibaia totona, to JW Language app oi gaukaralaia diba auka lasi haroro herevana ta oi dibaia totona. Bena haroro gaukara ai oi dibaia gauna oi tohoa neganai, aposetolo edia negai idia noho tadikaka ese idia abia moalena do oi mamia, idia be idau tano taudia edia gado dekenai “Dirava ena kara badadia” idia herevalaia neganai, unai taudia idia moale bada.​—Ka 2:7-11.

VIDIO LADANA IEHOVA ENA TURANA AI LAO​—GADO IDAU TAUDIA HARORO HENIA ITAIA, BENA INAI HENANADAI HAHERELAIA:

• 

  Edena negai JW Language app oi gaukaralaia diba?

• 

  Ena kahana haida be dahaka?

• 

  Emu teritori ai edena gado oi gaukaralaia?

• Dahaka oi karaia diba bema idau gado tauna ta be ia ura Basileia ena sivarai namona ia kamonai?​—od 100-101 par. 39-41