Lalokau be Keristani Taudia Korikoridia Edia Kara Badana ​—Lalotamona Karana Umui Gimaia

DAHAKA DAINAI MAI ANINA BADA: Iesu be ena hanuaboi ginigabena ai, ena guriguri lalonai ia hahedinaraia, ena hahediba taudia be do “idia lalotamona momokani” be namo. (Ioa 17:23) Ita huanai lalotamona ia noho totona, namona be lalokau ita hahedinaraia, anina be ta ena ‘kerere ita laloatao noho lasi.’​—1Ko 13:5.

KARAIA DALADIA:

• Ma haida edia namo tahua karana amo Iehova tohotohoa

• Ma haida edia dika gwauatao

• Hekwakwanai hamaoromaoroa murinai, kerere laloatao noho lasi.​—Ao 17:9

VIDIO LADANA “UMUI HUANAI LALOKAU IA NOHO”​—TA ENA KERERE UMUI LALOATAO NOHO LASI ITAIA MURINAI, INAI HENANADAI OI HENIA:

• Vidio ena kahana ginigunana ai, edena dala ai Helen ese ia hahedinaraia ia be ‘ta ena kerere ia laloatao noho’?

• Vidio ena kahana iharuana ai, edena dala ai Helen be lalohadai dikana ia dadaraia bona lalohadai maorona ia abia?

• Edena dala ai, Helen be kongrigeisen lalonai maino karaia karana ia hahedinaraia?