Tanobada Taudia Ibounai Edia Gado be Tamona

11:1-4, 6-9

Babela ai, Iehova ese ia idia gwau-edeede henia taudia edia gado ia haidaua, unai amo gabu idauidau dekenai idia lao. To hari inai negai, Iehova ese bese bona gado idauidau amo hutuma bada taudia ia haboua noho bona idia dekenai “gado goevadaena” ia henia, unai amo “idia ibounai ese Iehova ena ladana do idia hanamoa, bona iena hesiai gaukara be mai edia lalotamona ida do idia karaia.” (Sep 3:9, BHḡ; Apo 7:9) Baibel lalonai Iehova bona ena ura dibaia karana be “gado goevadaena.”

Gado matamatana ta oi dibaia totona, hereva matamatadia oi laloatao sibona be hegeregere lasi. To namona be unai gado hegeregerena emu laloa dalana oi haidaua. Unai hegeregerena, hereva momokani ena gado goevadaena ita dibaia neganai, iseda lalona ita hamatamataia. (Ro 12:2) Unai be do ita dibaia noho gauna, badina unai ese Dirava ena taunimanima huanai lalotamona ia havaraia.​—1Ko 1:10.