Original Songs amo Dahaka Ita Dibaia?

Edena original song haida oi ura henia? Bona dahaka dainai? Oi laloa unai vidio ese dina ta ta ena mauri ai ita davaria gaudia ia hahedinaraia, a? Vidio ena toana bona miusiki ena regena be idauidau dainai, taunimanima momo ese idia ura henia. Original song bona miusiki vidio ta ta be do ita moalelaia sibona lasi, to badina namona ta dainai idia karaia.

Original song ta ta be iseda Keristani mauri dalana bona haroro gaukara ai do ita badinaia gaudia idia hadibaia. Ane haida lalonai heabidae karana, lalotamona, tura namodia, gari lasi, lalokau, eiava abidadama idia herevalaia. Ma haida be Iehova dekenai do ita giroa lou, dika gwauatao karana, Dirava badinaia karana, bona Iehova ita hesiai henia daladia idia herevalaia. Bona mobael fon gaukaralaia namonamo dalana ena ane idia karaia danu. Unai original songs amo dahaka gau namodia haida oi dibaia?

ORIGINAL SONG VIDIO LADANA, JUST AROUND THE CORNER ITAIA, BENA INAI HENANADAI HAERELAIA:

• Edena hahenamo vaira negai do ia vara gauna be headava tau bona hahine burukana ta ese idia laloa?​—⁠Ge 12:3

• Edena dala ai ita abia dae diba Iehova be ena gwauhamata do ia hagugurua?

• Kahirakahira mai moale ida daidia ida do ita hedavari lou?

• Basileia helarona ese edena dala ai ita ia durua hari ita davaria hekwakwanai ita haheaukalaia totona?​—Ro 8:25