Magasin Gaukaralaia Noho

Lagani 2018 amo, iseda pablik magasin ta ta be topik ta ta ia herevalaia. Unai magasin ibounai be iseda Hadibaia Gaukara Ena Tulu Idauidau ena kahana ta. Unai dainai haroro gaukara ai ita gaukaralaia diba. Danu ita loaloa eiava stoa dekenai ita lao neganai, unai magasin haida ita abia lao diba. Laloatao, inai magasin be taunimanima stadi henia totona ita gaukaralaia lasi, to inai magasin ese ta ena ura ia habadaia diba Dirava ia dibaia totona.

Ta ida herevahereva oi hamatamaia neganai, siri ta bona magasin ai kamonai tauna ena lalona do ia veria topik ta oi hahedinaraia. Hegeregere, bema kamonai tauna be mai ena famili eiava ena lalokau tauna ta ia mase dainai ia lalohisihisi, reana oi gwau: “Magasin ta ai unai topik ia herevalaia atikol ta lau duahia. Ia namo oi dekenai lau hahedinaraia?” Bema oi itaia kamonai tauna ia ura diba ma haida ia abia, vadaeni emu vadivadi ginigunana ai idia printaia magasin ta oi henia diba, eiava elektronik kopi ta oi siaia. Ena be magasin hariharilaia karana be iseda tahua gauna ginigunana lasi, to magasin ita gaukaralaia neganai kudou-maoro taudia ita davaria diba.​—Ka 13:48.

2018

2019

2020