Inai “Dina Gabediai” Oi Noho Hegaegae

Inai “dina gabediai” ita haheauka noho lalonai, hekwakwanai momo do idia vara. (2Ti 3:1; Mt 24:8) Disasta idia vara negadiai, Iehova ena taunimanima be nega korikori ai hadibaia hereva idia abia. Bema hari inai negai, kamonai karana ita hahedinaraia bona lauma dalanai bona tauanina dalanai ita hegaegae do ita roho mauri diba.​—Lu 16:10.

• Emu hetura karana Iehova ida oi hagoadaia totona oi hegaegae: Emu Baibel duahiduahi bona sibona emu stadi totona sediual namona oi karaia. Haroro daladia idauidau oi dibaia. Oi gari lasi, bema nega sisina lalonai kongrigeisen ai ma haida amo oi parara. (Isa 30:15) Iehova bona Iesu be oi kahirakahira idia noho.​—od-E 176 par. 15-17

• Tauanina durua gaudia hegaegaelaia: Ruma bese ta ta ese disasta totona idia hegaegaelaia baege sibona lasi, to aniani, ranu, muramura bona unai bamona mai anina bada gaudia haida idia hegaegaelaia, unai amo gabu ma ta ai nega daudau idia noho neganai, idia ia durua diba.​—Ao 22:3; g17.5-E 4, 6

VIDIO LADANA NEGA DIKADIA TOTONA OI HEGAEGAE VADAENI, A? ITAIA, BENA INAI HENANADAI HAERELAIA:

• 

  Disasta negadiai edena dala ai iseda hetura karana Dirava ida ita hagoadaia diba?

• 

  Dahaka dainai . . .

  • elda taudia ida ita herevahereva neganai, iseda fon namba bona iseda noho gabuna ena infomeisen ita henia be namo?

  • emergency bag ta ita hegaegaelaia?

  • do idia vara diba disasta idauidau bona unai negai do ita karaia gaudia ita herevalaia?

• 

  Ma haida edia gabu ai disasta ia vara neganai, edena dala toi amo heduru ita henia diba?

SIBONA OI NANADAIA, ‘Hegaegae karana dekenai COVID-19 gorere badana amo dahaka gaudia lau dibaia?’