Oi Hegaegae Dagedage Karadia Oi Haheaukalaia Totona?

Inai nega oromana ena dokona ia kahirakahira noho lalonai, siahu taudia edia dagedage karadia, terorist bona tuari karadia be idia bada noho. (Apo 6:4) Edena dala ai vaira negai do idia vara hekwakwanai idauidau totona ita hegaegae diba?

• Emu abidadama oi hagoadaia noho: Iehova bona ena orea oi abidadama henia totona, Baibel ena hakaua herevadia bona sivarai oi dibaia, unai ese oi do ia durua gini siri karana oi hahedinaraia totona. (Ao 12:5; jr-E 125-126 par. 23-24) Hari be nega namona kongrigeisen lalonai tadikaka taihu ida emu hetura karana oi hagoadaia totona.​—1Pe 4:7, 8

• Tauanina dalanai sibona durua totona oi hegaegae: Emu noho gabuna ai emu seifti oi laloa bona do idia dika haraga lasi aniani haida oi atoa. Danu dika ta ia do vara lasi neganai, emu ruma do oi rakatania ena palani oi karaia. Emu bag pack ai idia noho gaudia oi sekea lou, oi do idia durua gaudia oi atoa hegaegae bona moni oi udaia danu. Emu elda taudia edia namba oi abia, bona oi abia dae oi do idia rini henia.​—Isa 32:2; g17.5-E 3-7

Dagedage negadiai, Iehova tomadiho henia karadia oi goadalaia noho. (Fp 1:10) Badina namona dainai emu noho gabuna oi haidaua be namo, to emu noho gabudia oi haidaua momo lasi. (Mt 10:16) Ma haida ida aniani bona gau ma haida oi haria.​—Ro 12:13.

VIDIO LADANA NEGA DIKADIA TOTONA OI HEGAEGAE VADAENI, A? ITAIA, BENA INAI HENANADAI HAERELAIA:

• Edena dala ai Iehova ese disasta negadia ai ita ia durua diba?

• Ita hegaegae totona edena dala haida ita badinaia diba?

• Edena dala ai disasta idia davaria taudia ita durua diba?