KERISTANI TAUDIA EDIA MAURI DALANA

Moni Ena Hekwakwanai Ia Do Vara Lasi Neganai, Oi Hegaegae, A?

Tanobada hegegemadai dekenai idia vara gaudia ese moni ena hekwakwanai ia habadaia neganai, ita hoa lasi. Dahaka dainai? Badina ita be dina gabedia ena dokona ai ita noho. Bona Baibel ese ita ia hadibaia “idia dika haraga kohu” ita abidadama henia lasi. (1Ti 6:17; 2Ti 3:1) King Iehosapata ena haheitalai ese edena dala ai ita ia durua moni ena hekwakwanai totona ita hegaegae?

Iehosapata idia inai henia besedia ese ia idia hagaria neganai, Iehova ia abidadama henia. (2Si 20:9-12) Danu, Iuda besena ia hegaegaelaia totona siti ena magu ia hanamoa bona tuari oreadia ia atoa. (2Si 17:1, 2, 12, 13) Iehosapata bamona, ita danu ese Iehova ita abidadama henia bona nega aukadia totona ita hegaegae.

ITA HEGAEGAE TOTONA DAHAKA ITA KARAIA DIBA?

Iehova ida emu hetura karana oi hagoadaia: Oi dekena idia noho gaudia oi moalelaia, bona oi abia dae Iehova ese dina ta ta totona emu dabu gaudia do ia henia. (Mt 6:26; 1Ti 6:8) Emu lalona oi hadaia Baibel ena hakaua herevadia oi badinaia noho totona. (Ro 2:21) Bema power ia blackout bona Internet ia gaukara namonamo lasi, mani oi laloa edena bamona Baibel bona pablikeisen idauidau do oi duahia. Do oi gaukaralaia pablikeisen idauidau edia kopi ta ta oi abia bona bema hegeregere, emu electronic pablikeisen oi daonloud danu.

Tauanina dalanai oi hegaegae: Moni ena hekwakwanai ia do bada lasi neganai, abitorehai karana hamaragia bona anina lasi gaudia hoia karana oi hadokoa. (Ao 22:7) Bema hegeregere, aniani bona mai anina bada gaudia haida oi haboua. Haida be uma gabu idia karaia unai amo moni do idia negea lasi.

VIDIO LADANA NEGA DIKADIA TOTONA OI HEGAEGAE VADAENI, A? ITAIA, BENA INAI HENANADAI HAERELAIA:

Vidio ladana, “Nega Dikadia Totona Oi Hegaegae Vadaeni, A?” ena laulau. Laulau lalonai Baibel, baege ta bona fon ta ia noho, bona kontraksen gaukara taudia.

Disasta totona ita hegaegae neganai, dahaka ita karaia diba?

Emu haere

Vidio ladana, “Nega Dikadia Totona Oi Hegaegae Vadaeni, A?” ena laulau. Tadikaka be kontraksen gaukara idia durua bona motuka amo kohu idia kokia.

Edena dala ai ma haida ita durua diba?

Emu haere