EMU HARORO DALANA | HARORO GAUKARA AI EMU MOALE HABADAIA
Baibel Stiuden Taudia Durua Hebou Idia Lao Totona
Kongrigeisen heboudia be mai anina bada tomadiho goevana totona. (Sal 22:22) Iehova tomadiho henia totona idia haboua taudia ibounai be idia moale bona hahenamo idia abia. (Sal 65:4) Baibel stiuden taudia be hanaihanai hebou idia lao karana amo goada idia abia.
Edena dala ai emu Baibel stiuden taudia oi durua diba hebou idia mai totona? Hanaihanai hebou totona idia oi boiria. Idia dekenai vidio ladana Kingdom Hall ai Dahaka Idia Karaia? oi hahedinaraia. Hebou lao karana ena namo oi herevalaia. (lff leseni 10) Stiuden ida hebou ai oi dibaia point namona ta oi herevalaia diba eiava vaira wiki ena hebou ai do idia herevalaia gaudia oi hadibaia. Emu stiuden dekenai hebou totona do idia gaukaralaia pablikeisen oi henia. Danu, gau haida dekenai heduru oi henia. Reana emu motuka amo hebou dekenai idia oi abia lao. Emu hekwarahi ese anina namona do ia havaraia bema stiuden be ena nega ginigunana hebou ia mai.—1Ko 14:24, 25.
VIDIO LADANA EMU BAIBEL STIUDEN TAUDIA OI DURUDIA HEBOU IDIA LAO TOTONA ITAIA, BENA INAI HENANADAI HAERELAIA:
Neeta be dahaka dala ia gaukaralaia Jade ia boiria kongrigeisen hebou ia lao totona?
Dahaka dainai Baibel stiuden ta be hebou ia mai neganai ita moale?
“Momokani, Dirava be umui huanai ia noho”
Jade be nega ginigunana hebou ia lao neganai dahaka ia itaia?