Baibel Stiuden Taudia Oi Durua Hebamo Dikadia Idia Dadaraia Totona

Baibel stiuden taudia be Iehova idia tura henia totona tura namodia idia abia hidi be namo. (Sal 15:1, 4) Tura namodia ese do idia durua kara namodia idia hahedinaraia totona.​—Ao 13:20; lff leseni 48.

Emu Baibel stiuden ese hebamo dikadia idia dadaraia totona idia oi durua neganai, edia hemami oi laloa danu be namo. Reana idia hekwarahi noho inai tanobada ena tura dikadia idia dadaraia totona. Unai dainai namo lasi stadi negadia sibona ai idia ida oi hebamo, to nega ma haida ai danu. Hegeregere teks meseij oi siaia, oi rini henidia, eiava idia oi vadivadi henia. Emu stiuden ia goada lao noho lalonai, ia oi boiria Dirava ena taunimanima ida ia hebamo totona. Unai amo do idia laloparara ena be edia turadia idia rakatania to tura namodia momo idia davaria. (Mr 10:29, 30) Bema oi itaia Iehova ena ruma bese ia bada, oi danu do oi moale.

VIDIO LADANA BAIBEL STIUDEN TAUDIA OI DURUA HEBAMO DIKADIA IDIA DADARAIA TOTONA ITAIA, BENA INAI HENANADAI HAERELAIA:

• Hebamo dikadia be dahaka?​—1Ko 15:33

• Jade ese Keristani hebamo karana be edena bamona ia laloa?

• Edena dala ai Neeta ese Jade ia durua hebamo dikadia ia dadaraia totona?