KERISTANI TAUDIA EDIA MAURI DALANA
Idia Gaukara Goada Ita Idia Hesiai Henia Totona
Sekit naria taudia bona edia adavadia ese sibona ena ura dadaraia lalokauna idia hahedinaraia haida idia durua totona. Ita hegeregerena, idia danu be mai edia ura gaudia bona nega haida idia hesiku, lalomanoka bona idia lalohisihisi. (Ia 5:17) Ena be unai ia vara, to wiki ta ta ai idia be kongrigeisen idauidau idia vadivadi henia bona tadikaka taihu idia hagoadaia. Momokani, sekit naria taudia ita “matauraia bada” be namo.—1Ti 5:17.
Aposetolo Paulo be palani ia karaia Roma ia vadivadi henia neganai, unuseniai kongrigeisen taudia dekenai “Dirava amo ia mai harihari gauna” be idia dekenai do ia henia, bona ‘ta ta do idia hagoadaia.’ (Ro 1:11, 12) Emu sekit naria tauna bona ena adavana, bema ia headava—do oi hagoadaia dalana oi laloa, a?
VIDIO LADANA SEKIT NARIA TAUNA ESE IA KARAIA GAUDIA ITAIA, BENA INAI HENANADAI HAERELAIA:
Edena dala ai sekit naria taudia bona edia adavadia ese kongrigeisen taudia totona, sibona ena ura dadaraia lalokauna idia hahedinaraia?
Edena dala ai edia gaukara amo namo oi abia?
Edena dala ai idia ita hagoadaia diba?