Inai Henia Karana Ita Hadokoa Diba!

Bema lasi, reana ma haida dekenai unai ia vara oi itaia. Nega momo ita kamonai, ta ena kopina ena kala, ia be idau tano amo eiava homosexual tauna dainai, taunimanima ese idia dagedage henia. Unai ia vara dainai, gavamani momo ese ta inai henia karadia idauidau dekenai taravatu idia atoa.

Ma haida ese idia inai henia taudia be ma haida do idia inai henia danu. Dika idia davaria taudia be edia inai taudia edia dika davana idia henia lou, bona unai kara ese inai heheni karana ia habadaia.

Reana haida be oi idia matauraia lasi, hahemaoro henia kerere, kirikirilaia, gwau-henia, bona hagaria. To, ma ta inai henia karana dekenai dagedage karadia idia vara danu. Hegeregere, ta ena kohu idia hadikaia, idia kara auka henia, botaia, reipia, alaia, eiava ena bese taudia ibounai idia hamasea ore.

Inai magasin ese henunai idia noho henanadai do ia haerelaia bona inai heheni karana hadokoa dalana do ia hadibaia:

• Dahaka dainai inai heheni karana ia bada ia lao noho?

• Edena dala ai inai heheni karana ita hadokoa diba?

• Nega ta inai henia karana do ia ore momokani, a?