Dirava be Oi Ia Laloa Bada
BAIBEL lalonai sisiba namodia idia noho, badina unai buka be Dirava amo ia mai. Baibel be helt bukana lasi, to dala idauidau ai ita ia durua diba lalohekwarahi, laloa maoromaoro lasi karana, lalohisihisi ia havaraia hemami, badu bona mentol helt problem ita haheaukalaia totona.
Baibel ese ita ia hadibaia iseda Havaraia Tauna, Iehova Dirava,a be ita laloa gaudia bona iseda hemami ia lalopararalaia goevagoeva. Ia ura ita ia durua unai amo iseda hekwakwanai ita haheaukalaia. Hegeregere inai Baibel ena hagoadaia herevadia rua mani laloa:
“Iehova be lalometau taudia kahirakahira ia noho. Ia ese daradoko taudia ia hamauria noho.”—SALAMO 34:18.
“Lau, Iehova emu Dirava, be emu imana idibana lau dogoatao noho, bona oi dekenai lau gwau noho, ‘Oi gari lasi. Lau ese oi do lau durua.’”—ISAIA 41:13.
Edena dala ai iseda mentol helt totona Iehova ese ita ia durua? Atikol gabedia ai, Iehova ese dala idauidau ai ita ia laloa bada karana do oi itaia.
a Iehova be Dirava ena ladana korikorina.—Salamo 83:18.