Moni Ena Hekwakwanai—Dirava Ena Basileia ese Dahaka Do Ia Karaia?

Tanobada hegegemadai taunimanima momo be idia hekwarahi mauri durua gaudia idia abia totona, bona unai hekwakwanai be ia bada ia lao.

• Tanobada ibounai ena ripotia ese ia hahedinaraia “taunimanima idia abia pei be ia maragi ia lao.” Bema gau ta idia karaia lasi, “moni momo taudia be taga taudia ai idia lao bona moni lasi taudia be idia ogogami idia lao” bona “gaukara taudia momo bona edia famili edia mauri dalana be do ia dika.”

Gavamani ese unai moni ena hekwakwanai do idia hamaoromaoroa diba, a?

Baibel ese ia herevalaia gavamani ta ese moni ena hekwakwanai ibounai bona taga bona ogogami maurina do ia haorea. Baibel ia gwau: “Guba Diravana ese basileia ta do ia haginia,” unai gavamani tamona ese tanobada ai gaukara ibounai do ia naria. (Daniela 2:44) Unai gavamani ese taunimanima ibounai do ia laloa. (Salamo 9:18) Dirava ena Basileia henunai idia noho taudia be edia dabu gaudia ibounai do idia abia dainai do idia moale. Taunimanima ibounai be edia gaukara namona dainai davana namona do idia abia.—Isaia 65:21, 22.