June Ena Hesiai Hebou

June 5 Purana

Ane 7

10 min: Kongregesen ena hadibaia herevadia bona Iseda Basileia Gaukara amo Hadibaia Hereva haida abia hidi.

15 min: “Iehova ese Goada Ia Henia.” Henanadai bona haere. February 1, 1992, Gima Kohorona, rau 32 ai ia noho ekspiriens oi kikilaia.

20 min: “Mauri Hanaihanai Buka Hariharilaia Hamatamaia Hereva Namodia.” Helai taudia danu hereva badadia riviulaia, bona Haroro School ena Buka, rau 15, paragraf 8-10 ena hereva danu kikilaia. Oiemu teritori totona hamatamaia herevana namona ta kikilaia. Haheitalai kwadogina ta o rua karaia. April bona May lalonai, Basileia Sivarai pepana idia abia dae taudia lou henia daladia haida oi kikilaia danu.

Ane 17 bona guriguri.

June 12 Purana

Ane 221

10 min: Kongregesen ena hadibaia herevadia. Akauns ripotina.

17 min: “Keriso, Matamata Taudia Edia Haheitalai.” Henanadai bona haere. March 1, 1987, Gima Kohorona, rau 4-7 ena hereva haida gaukaralaia.

18 min: “Kamonai Taudia Oi Lou Henidia.” Helai taudia ida kikilaia. Mauri Hanaihanai buka idia moalelaia taudia edia hereva haida oi gwauraia. (February 1, 1987, Gima Kohorona, rau 32, bona September 1, 1987, Gima Kohorona, rau 32 itaia.) Haheitalai tamona o rua amo hariharilaia daladia oi hahedinaraia. Ibounai hagoadaia kamonai taudia ida stadi hamatamaia totona.

Ane 122 bona guriguri.

June 19 Purana

Ane 80

10 min: Kongregesen ena hadibaia herevadia. Haroro gaukara lalonai magasin hariharilaia daladia rua o toi oi haheitalaia.

18 min: Taunimanima Ita Hanamodia. Elda tauna ese hereva do ia henia, December 1, 1994, Gima Kohorona, rau 28-30 ena hereva amo. Oi hahedinaraia idia ese kongregesen lalonai idia noho tadikaka bona taihu idia lalokau henia bona matauraia be gau badana.

17 min: “Emu Nega Gaukaralaia Namonamo.” Henanadai bona haere. TV raraia karana ia herevalaia Noga!, Issue Number 3, 1993, rau 7 ai, ena hereva kwarana “Moale Karadia Lalohadailaidia Maoromaoro,” ena sisiba oi gaukaralaia.

Ane 208 bona guriguri.

June 26 Purana

Ane 75

15 min: Kongregesen ena hadibaia herevadia. Nega sisina lalonai dahaka dainai lou-henia gaukara be mai anina gaukarana oi kikilaia. Kamonai taudia edia ura habadaia totona ita itaia lou neganai, iseda hadibaia gaukara ena kahana badana ta ita karaia. Taunimanima momo lasi be buka o magasin amo sibodia lauma dalana ai goada idia abia diba. Ita lou henia lasi neganai, durudia dalana hereadaena ita reaia. Lou henia karana amo Baibel stadi idia vara. Pablisa momo be wiki ta murinai idia giroa lasi, to dina ta o rua murinai idia lao bona unai ese anina namona ia havaraia.​—Hesiai Gaukara bukana, rau 89-90 itaia.

15 min: Henanadai Mauana. Gima Kohorona Stadi ia naria tauna ese henanadai bona haere amo do ia karaia. Hereva ma haida be Haroro School ena Buka, rau 20-1 amo oi hahedinaraia.

15 min: “Heduru Ia Noho!” Elda rua ese unai hereva idia kikilaia.

Ane 225 bona guriguri.

Henanadai Mauana

◼ Hebou dekenai, edena bamona ita ese haere namodia ita henia diba?

 Ita moale kongregesen heboudia ita lao henia diba. Unuseniai iseda haere karana amo iseda abidadama ita hahedinaraia bona ma haida ita hagoadaia. (Aon. 20:15; Heb. 10:​23, 24) Haere henia karana be hahenamo ta bona namona be hanaihanai ita karaia. Edena bamona unai ita karaia namonamo diba?

 Gau ginigunana be oi hegaegae. Do idia kikilaia bukadia oi duahia bona laloa guna be gau badana. Unai ita duahia neganai, hereva edia mamina ita laloa. Ena be guna unai gauna idia kikilaia, to namona be anina idia habadaia herevadia oi tahua. Hereva ena kwarana laloa noho. Bema Baibel buka tamona ia kikilaia buka oi stadilaia, hegeregere Apokalupo Hagugurua Negana bukana, haere oi hegaegaelaia neganai, namona be siri ta ena anina ma siri haida dekenai oi hahegeregerea. Unai sisiba oi badinaia neganai, oiemu laloa dalana do ia hagoadaia. Oi do ia durua haere namodia oi hegaegaelaia totona bona moale do oi davaria.

 Haere namodia be idia kwadogi, auka lasi, bona edia anina be emu stadi buka amo. Namona be haere ginigunana ia henia tauna ese maoromaoro henanadai ia haerelaia, bena ma haida ese idia habadaia diba. Namona be nega bada idia haorea haere latadia oi karaia lasi, ma haida idia haere diba lasi garina. Paragraf amo oi duahia lasi to ena anina herevalaia. Reana idia torea Baibel siridia edia hereva badadia oi kikilaia diba. Haere ia henia tauna ena hereva oi hakala henia namonamo oi gwauraia lou bona nega halusia kava garina.

 Paragraf iboudiai oi haerelaia toho lasi to namona be nega haida oi haere totona imana oi abia isi. Namona be memero kekeni ese haere idia henia. Bema oi gari, namona be stadi naria tadikaka oi hamaoroa edena henanadai oi ura haerelaia, bena reana oi ia abia hidi diba.

 Tadikaka ese henanadai bona haere kahana idia karaia neganai, namona be ita ibounai ita gaukara goadagoada haere henia totona. Laloaboio lasi, hebou ena namo be mai eda ura ida haere henia karana ita karaia bona haere namodia ita henia.​—Sal. 26:12.