Dala Idauidau ai Lalona Veria Herevadia Gaukaralaia Toho

Dala Idauidau ai Lalona Veria Herevadia Gaukaralaia Toho

Taunimanima ita laloa bada dainai, unai ese iseda lalona do ia veria edia dabu gaudia ita laloa, bona Basileia ese hekwakwanai do ia hamaoromaoroa dalana ita hahedinaraia totona. (Fili. 2:4) Pablisa momo idia davaria, bema ruma tauna idia noia iseda buka bona magasin lalonai idia noho Paradaiso laulaudia idia herevalaia totona, unai ese namo bada ia havaraia. Unai laulau haida be inai rau ena idiba kahana dekenai idia torea buka haida ai oi davaria diba. Henunai idia noho hamatamaia herevana ta oi gaukaralaia amo unai oi karaia diba:

◼ “Oi laloa taunimanima ese inai laulau dekenai ia noho maurina idia moalelaia diba, a?”

◼ “Ita ibounai ita ura iseda natudia ese inai laulau dekenai ia noho tanobada maurina bamona idia moalelaia. Dahaka oi laloa, edena dala amo unai bamona tanobada ia vara diba?”

◼ “Dirava ena ura gauna be guba dekenai ia vara hegeregerena tanobada dekenai ia vara neganai, tanobada ena toana be inai bamona do ia lao. Hari inai nega ena mauri amo ia idau gauna ta be laulau lalonai oi itaia, a?”

◼ “Oi ura inai laulau ese ia hahedinaraia tanobadana ai oi noho, a? [Haere naria.] Oi laloa unai be iseda nega lalonai do ia vara, a?”

Ruma tauna ena haere oi kamonai namonamo, bona ena lalohadai ia gwauraia totona, henanadai ta eiava rua oi henia. Bema haida edia haere be, idia ura lasi laulau dekenai ia noho tanobadana idia noholaia, eiava idia abia dae lasi unai do ia vara, namo lasi oi laloa idia ura lasi kamonai. Mai aonega ida idia oi nanadaia, dahaka dainai unai bamona idia laloa. Reana edia haere amo idia hahedinaraia diba taunimanima ese idia davaria hekwakwanai idia laloa bada.—Ese. 9:4.

Ruma tauna ese ia laloa bada gauna oi diba murinai, emu kiki herevana oi haidaua. Basileia ena sivarai ta oi gwauraia, unai ese ia laloa bada gauna ia hahedinaraia. Bena siri ta eiava rua oi duahia. (Idiba kahana dekenai idia noho siri haida itaia.) Namona be ia sibona ese ia itaia Dirava ena Hereva be dahaka ia gwau. Bema ia kamonai, buka oi hariharilaia bona dala oi karaia ia oi lou henia totona. Emu vadivadi ginigunana ai oi herevalaia gauna oi habadaia noho.

[Box on page 6]

Paradaiso Ena Laulau Haida

Hadibaia Tauna buka: rau 251-4

Diba buka: rau 4-5, 188-9

Dahaka Ita Karaia? buklet: rau 11, 13

Dirava Tomadiho Henia buka: rau 92-3

[Box on page 6]

Taunimanima ese Idia Laloa Bada Gaudia

Animal hadikaia kava karana

Aonega Herevadia 12:10

Daradoko

Salamo 34:8;