Boiboi Badana Ta
1. Lagani 2014 hebouhebou totona, edena negai taunimanima do ita boiria matamaia?
1 Bema palani oi karaia emu turadia o famili totona aria ta do oi karaia, emu nega bona moni bada do oi gaukaralaia bona reana mai moale bada ida idia do oi boiria, ani? Unai hegeregerena, Dirava ena orea be lagani 2014 ena rijinol bona intanesinol hebouhebou ena program totona gau momo ia hegaegaelaia. Hebouhebou ia kahirakahira neganai, ita be wiki toi lalonai ma haida do ita boiria idia mai totona. Dahaka ese ita do ia durua mai moale ida taunimanima ita boiria totona?
2. Dahaka ese ita do ia hagoadaia taunimanima ita boiria totona?
2 Iehova ese unai hebouhebou ena program amo ita ia durua dalana ita laloa neganai, unai ese ita do ia hagoadaia taunimanima boiria gaukarana do ita habadaia. (Isa. 65:13, 14) Laloatao, lagani ta ta ai, unai gaukara ese anina namona ia havaraia danu. Ita boiria taudia haida be ita ida hebouhebou do idia mai. Herevana hida do idia mai, to iseda gaukara amo Iehova do ita hanamoa bona Iena hariharibada karana do ita hahedinaraia.—Sal. 145:3, 7; Apok. 22:17.
3. Edena dala ai boiboi pepadia do ita hariharilaia?
3 Namona be elda oreana ese kongrigeisen ia hadibaia edena dala ai boiboi pepadia do idia hariharilaia, taunimanima idia noho lasi rumadia ai do idia rakatania eiava lasi, bona edena gabu ma haida ai do idia hariharilaia. Wikeni ai boiboi pepadia oi hariharilaia neganai, bema mai dalana magasin oi hariharilaia danu. Hua ena Saturday ginigunana ai boiboi pepadia hariharilaia gaukarana sibona do ita karaia, herevana unai be Baibel stadi hamatamaia dinana. Boiboi pepadia hariharilaia gaukarana ia ore neganai, do ita moale badina ita diba mai eda ura bada ida momo ita boiria Iehova ese ia hegaegaelaia hebouhebou idia mai totona!
[Box on page 5]
Edena Bamona Do Oi Hereva?
Hanamoa hereva oi gwauraia murinai, reana oi gwau: “Tanobada ibounai lalonai ai ese taunimanima ai boiria, hebou badana ta dekenai idia mai totona. Hebou ena deit, taim, bona gabu be inai pepa ai idia noho.”