March 1 ai Invateisen Pepadia Do Ita Hariharilaia Matamaia
1. Edena negai invateisen pepana do ita hariharilaia matamaia, bona dahaka dainai hari lagani unai gaukara idia halataia?
1 Memorial ena invateisen pepadia be Friday, March 1 ai, do ita hariharilaia matamaia, badina ita ura ma haida danu do idia mai. Memorial negana be March 26, anina be invateisen pepadia hariharilaia gaukarana idia halataia, lagani gunadia bamona lasi. Kongrigeisen haida edia teritori be bada dainai, unai be nega namona taunimanima momo ese invateisen pepana ta idia abia totona.
2. Edena dala ai elda idia hegaegae, unai amo invateisen pepana ita abia bena teritori ibounai dekenai ita hariharilaia?
2 Hegaegae: Elda ese ita do idia hadibaia edena teritori ai do ita gaukara, bona taunimanima idia noho lasi rumadia ai pepa do ita rakatania eiava lasi. Bema ruma-ta-ruma-ta haroro gaukara ita haorea to pepa oredia idia do noho, vadaeni gabu ma haida ai ita hariharilaia be namo. Haroro naria tauna ese invateisen pepadia dekenai Memorial ena hebou gabuna bona taim do ia torea bena bukrum ai ia atoa, pablisa ese idia abia totona, to namona be invateisen pepadia haida ia dogoatao. Namona be wiki tamona lalonai do ita hariharilaia pepadia sibona ita abia.
3. Invateisen pepadia ita hariharilaia neganai, dahaka ita laloatao be namo?
3 Dahaka Do Ita Gwau? Namona be hamatamaia hereva kwadogina ita gaukaralaia, unai amo momo dekenai invateisen pepana ita hariharilaia diba. Rau 4 ai be Memorial ena invateisen pepana hariharilaia herevana ia noho, to emu teritori ai oi gaukaralaia diba. To bema ruma tauna ia heabidae o mai ena henanadai, vadaeni ia ida ita herevahereva sisina. Wikeni ai, invateisen pepadia be magasin ida ita hariharilaia diba. March 2 ai ita be invateisen pepadia hariharilaia gaukarana sibona do ita karaia.
4. Dahaka dainai mai ura bada ida invateisen pepadia ita hariharilaia be namo?
4 Ita ura momo be Memorial hebouna dekenai do idia mai. Memorial ena tok amo Iesu do ita dibaia. (1 Kor. 11:26) Danu, Iesu ena mase ese ita ia durua dalana be tok ai do ia hedinarai. (Roma 6:23) Ma danu, Iesu ita laloatao ena badina be tok ai do ia hedinarai. (Ioa. 17:3) Namona be mai ura bada ida invateisen pepadia ita hariharilaia!