March 22 ai Invateisen Pepadia Do Ita Hariharilaia Matamaia

Inai lagani ai, Memorial ena invateisen pepadia be Saturday, March 22 amo do ita hariharilaia matamaia. Pablisa ibounai ita hagoadaia unai gaukara idia durua be namo. Wikeni ai, bema mai dalana, magasin matamatadia do ita hariharilaia danu. Ena be April ena Saturday ginigunana ai, pepapepa hariharilaia gaukarana sibona ita karaia be namo, to bema kamonai tauna ta ita davaria, vadaeni Baibel stadi ita hamatamaia toho. Haroro naria tauna ese pablik gabudiai invateisen pepadia hariharilaia gaukarana ena palani ia karaia diba, unai ese kongrigeisen do ia durua edia teritori ai taunimanima momo idia boiria totona. Namona be do ita boiria taudia edia ladana be hari lista ta ai ita torea matamaia, unai amo March 22 murinai pepa ta ita henia diba, hegeregere eda varavara, gaukara turadia, sikuli turadia, lou henia taudia, bona ma haida. Ita ura momo be ita ida Memorial hebouna ai Dirava bona ena Natuna ese idia hahedinaraia lalokau hereadaena do ita laloa.​—Ioa. 3:16; 15:13.