HEREVAHEREVA HAMATAMAIA
LESENI 3
Kara Namo
Hakaua Hereva: “Lalokau be . . . ia hebogahisi.”—1 Kor. 13:4.
Iesu ese Ia Karaia Gauna
1. VIDIO itaia, eiava Ioane 9:1-7 duahia. Bena inai henanadai oi laloa:
Iesu be dahaka ia karaia guna—matakepulu tauna ia hanamoa eiava ia dekenai sivarai namona ia harorolaia?—Ioane 9:35-38 itaia.
Dahaka dainai Iesu ena haroro dalana ese unai tau ena lalona ia veria sivarai namona ia abia dae totona?
Iesu amo Dahaka Ita Dibaia?
2. Ta be ita harorolaia sivaraina do ia ura kamonai bema ia mamia ia ita laloa bada.
Iesu Tohotohoa
3. Hemami lalopararalaia. Oi hereva henia tauna ena hemami oi lalopararalaia toho.
Sibona oi nanadaia: ‘Ia be dahaka ia lalohekwarahilaia noho? Dahaka ese ia do ia durua eiava dahaka do ia moalelaia?’ Unai bamona oi karaia neganai kara namo do oi hahedinaraia.
Ta ena hereva oi kamonai namonamo karana amo oi hahedinaraia ia oi laloa bada. Bema oi dekenai gau ta ia laloa dalana eiava ia davaria noho problem ta ia herevalaia, namona be topik oi haidaua lasi.
4. Mai gado namo bona hemataurai ida oi hereva. Bema ta oi hebogahisi henia bona mai momokani ida oi ura durua, emu hereva dalana ese unai do ia hahedinaraia. Do oi gwauraia herevadia oi abia hidi namonamo bona emu gado regena oi laloa danu, namo lasi lalona hahisia herevadia oi gwauraia.
5. Heduru oi henia. Dala ia kehoa negadia ai heduru oi henia diba daladia oi tahua. Kara namodia ese dala ia kehoa herevahereva oi hamatamaia totona.