Baibel Be Dahaka Ia Gwau?

Dirava ena Basileia be Dahaka?

HAIDA IDIA GWAU Dirava ena Basileia be ta ena kudouna ai ia noho gauna; haida idia laloa unai be taunimanima ese tanobada ai maino do idia havaraia karana. Oi be dahaka oi laloa?

BAIBEL BE DAHAKA IA GWAU?

“Guba ena Dirava ese basileia ta do ia haginia, inai basileia be do idia hadikaia diba lasi ela bona hanaihanai. . . . Unai basileia ese basileia ibounai do ia hamakohia, bona haorea momokani.” (Daniela 2:44) Dirava ena Basileia be gavamani korikorina.

BAIBEL AMO DAHAKA GAU MA HAIDA ITA DIBAIA DIBA?

• Dirava ena Basileia be guba amo ia lohia.​—Mataio 10:7; Luka 10:9.

• Dirava ese Basileia ia gaukaralaia ena ura guba ai bona tanobada ai ia hagugurua totona. ​—Mataio 6:10.

Dirava ena Basileia be Edena Nega ai do Ia Mai?

EMU HAERE BE

• Ta ia diba lasi

• Kahirakahira

• Do ia mai lasi

BAIBEL BE DAHAKA IA GWAU?

“Basileia ena sivarai namona be tanobada ibounai dekenai do idia harorolaia, unai amo bese ibounai ese idia kamonaia diba, unai murinai dokona be do ia ginidae.” (Mataio 24:14) Sivarai namona idia harorolaia guguru murinai, Basileia do ia mai bona inai tanobada ena oromana dikana do ia haorea.

BAIBEL AMO DAHAKA GAU MA HAIDA ITA DIBAIA DIBA?

• Tanobada ai ta ia diba lasi Dirava ena Basileia be edena negai do ia mai.​—Mataio 24:36.

• Baibel ena peroveta herevadia ese idia hahedinaraia Basileia be kahirakahira do ia mai.​—Mataio 24:3, 7, 12.