Eda Haroro Gaukara Ita Karaia Namonamo Dalana—Pablisa Matamatadia Hadibaia
Dahaka Dainai mai Anina Bada? Iesu ese ena hahediba taudia matamatadia ia hamaoroa, ia hadibaia “gaudia ibounai” do idia badinaia, anina be ma haida dekenai hereva momokani do idia hadibaia. (Mat. 28:19, 20) Hereva momokani idia dibaia noho taudia momo be Tiokratik Haroro Sikuli lalonai idia vareai, bona edia ruma bese o turadia idia haroro henia danu. To, idia dibaia gaudia idia laloa bada bona idia laloparara Iehova ia ura taunimanima ibounai be sivarai namona do idia kamonai neganai, unai ese edia ura ia habadaia haroro gaukara idia karaia totona. (Roma 10:13, 14) Ta be bapatiso lasi pablisa ai ia lao neganai, treinini namona ese do ia durua ia goada noho totona.—Luka 6:40.
Hari Hua Oi Tohoa Gauna be Inai:
Bema emu stadi be pablisa ai ia lao, ia ida ruma-ta-ruma-ta haroro gaukara umui karaia, bona ia ida emu lou henia o Baibel stadi umui karaia diba. Bema oi be pablisa matamatana ta ida oi stadi lasi, vadaeni ia manada lasi pablisa ta oi noia umui gaukara hebou totona.