Matheus
3 Too sin phaar fariseer tsu iim khom un wolte iim proope, un hon kefroot: “Is richtich tas een man sayn fraa lost fer iirkent een motiiw?” 4 Eyer hot keantwort: “Hot teyer net kelees tas tee woo tii am aanfang kemacht hot, hot se man un fraa kemacht, 5 un hot kesaat: ‘Tes weeche, tuut te man sayn fater un sayn muter lose un tuut fest tsu sayn fraa sich hale, un ti tswaay wëre een flayx?’ 6 Soo sin se net mee tswaay, awer ploos een flayx. Tes weeche, was Kot unich tas selwiche yoch ketuun hot, sol te mënx net aus naner mache.” 9 Ich saan aych tas weer sich fon sayn fraa tiworsiirt weeche anere tinge un net weeche seksuaal imoraaliteet un sich mit een aner ferhayrat, macht atultëryo. 12 Wayl es këpt eunuuke woo soo uf ti wëlt khom sin un es këpt eunuuke woo fon ti mënxe tsu eunuuke kemacht hon un es këpt eunuuke woo sich tsu eunuuke kemacht hon weeche tëm himlixe Raych. Weer plats fer tas mache khan, sol plats fer tas mache.” 13 Too hon se ëtliche khinerche tsu iim kepracht, tas eyer ti hënt uf tëne teet un een kepeet mache, awer ti tisipele hon se kexteert. 14 Awer, Yeesus hot kesaat: “Lost ti khinerche tsu meer khome, halt se net tsurik, wayl te himel Raych keheert tsu tëne woo sin wii tii.” 15 Tee hot ti hënt uf tëne ketuun un is fon tat faat kang. 16 (…) “Leerer, was mus ich fon kuutes mache fer tas eewiches leepe kriin?” 19 Tuu tayn papa un mama eere; un tuu tii anere liipe wii tich sëlepst. 21 Kee, ferkhaaf tayn aychentum un kep tas kelt fer ti aarme un tuu kriist xmuke im himel; un tuu mich noo keen. 24 Tas is laychter een khameel torich tas nootel eer keen, als wii een rayche in Kotes Raych rin khome. 26 (...) “Fer mënxe, is tas unmeechlich, awer fer Kot, ale tinge sin meechlich.” 27 Pheeter hot keantwort: “Kuk, mer hon ales uf kep un sin tich noo kang. Was tuun mer kriin?” 28 Yeesus hot tëne kesaat: “Ich tuun aych sicher lose: Wën ales nay kemacht wërt un te Mënxe Soon sich ufm troon fon hërlichkheet setst, teyer woo mich noo kang sayt, tuut aych uf 12 troone setse un ti 12 xtëme fon Israël richte. 29 Un yeete eene woo hayser, priiter, xwestere, fater, muter, khiner orer khëmp, weeche mayn naame hiner kelos hot, kriit hunert mool mee un tuut tas eewiche leepe ërpe.