2te Timoteus

3 Awer tuu solst wise tas in te letste taache tuun xlime tsayte khome, woo xweyer wëre fer um se keen. 2 Wayl ti mënxe tuun ploos sich selepst liipe, tuun tas kelt liipe, wëre hoochnaasich, inkepilt, tuun Kot un ti mënxe ferfluuche, tuun net ti eltere aan heere, wëre unpetanklich, untroy. 3 Tii tuun khee liip fer ti familye hon, wëre net wilich sin fer mit te anere xtime, tuun ti anere ferxtumpiire, tuun khee selepst kontrol hon, wëre krop, oone liip fer tas kuutes, 4 hinerlistich, tik khopich, hoochmuutich, layt woo ti luste liipe xtats Kot, 5 un tuun een sort fon aanpeetung tsu Kot xayne, awer tii tuun ti kraft fon tiise aanpeetung net aan nëme. Hal tich fon tëne wech. 12 Soo is es: al woo wole een leepe fon aanpeetung tsu Kot nëme, in eenichkheet mit Yeesus Kristus, wëre aach keyacht. 13 Awer ti xlechte un ti falxe wëre imer xlimer, tii tuun hinerkeen un wëre hinerkang. 14 Awer tuu, playp aan te tinge woos tuu kelërnt host un woo se tich in kereet hon fer se klaape, wayl tuu weest fon weem tuu se kelërnt host 15 un wayl, tsayt tuu uf te welt khom pist, tuust tuu xon ti hayliche xrifte khëne, woo khene tich kluuch fer ti retung mache torich te klaape in Yeesus Kristus. 16 Ti kans Xrift is torich Kot sayn kayst kep woer un tii is kuut fer in lërne, fer aan reete, fer ti tinge richtich xtele, fer in kerechtichkheet tisipliniire, 17 tas Kot sayn mënx kans kompetënt wëre khan, mit ales was eyer praycht fer yeete kuut aarwayt.