Matheus
3 Wii tee uf tëm Oliiwe Përich kesetst hot, sin sayn tisipele aleen pay tëm khom un hon kesaat: “Saa uns: Wan tuun tiise tinge pasiire un was wërt te tsayche fon tayn presens un fom ën fon tiise sisteem?” 4 Yeesus hot tëne keantwort: “Phast uf tas nimant aych hiner keet, 5 wayl fiil tuun in mayn naame khome, un saan: ‘Ich sin te Kristus’, un tuun fiil hiner keen. 6 Teyer tuut fon kriiche un notisye fon kriiche heere. Phast uf tas iir net ëngstlich wërt, wayl tiise tinge pasiire mise, awer tas is noch net tas ën. 7 “Wayl natsyoon tuut sich keeche natsyoon xtele un raych keeche raych; un es wërt hungernoot kepe un eyertxutere uf een plats noom aner. 8 Tas ales is te aanfang fon te petriikungs phayn. 9 “Tan, tuun ti layt aych yachte un aych um pringe, un ale natsyoone tuun aych hase weeche mayn naame. 10 Tan, tuun aach fiile xtolpere un eene te anere hiner keen un eene iwich te anere wuut hon. 11 Fiil falxe profeete khome un tuun fiil hiner keen. 12 Un, weeche ti ferkreesung fon te unkerechtichkheet, tuut ti liip fon te meyerste khalt wëre. 13 Awer weer pis tsum ën aus halt, wërt keret. 14 Un tiise kuute notisye fom Raych wëre uf te kans pewoont eyert kepreeticht, tsum tsaye fer ale natsyoone; un tan khomt tas ën. 15 “Soo, wën teyer siit tas apxaylich tings woo fernichtung pringt — iwer was Tanyël, te profeet, kexproch hot —, uf een hayliche plats kextan (te leeser mus ferninftichkheet tsayche), 16 tan, tii woo in Yuteea sin, sole fer ti përiche aus rayse. 17 Weer ufm tach is, sol net runer keen fer ti tinge fon sayn haus raus hoole. 21 tan tuut een kroos tripulatsyoon kepe, wii es noch nii fom aanfang fon te welt pis yets kep hot, un woos nii mee kept. 22 Wërklich, wën tiise taache net ferkhërtst wëre teete, teet nimant keret wëre, awer, weeche ti rauskesuuchtne, wëre tiise taache ferkhërtst. 24 Wayl falxe kristus un falxe profeete wëre khome, un wëre kroose tsayche un wunere mache fer hiner keen, un wën meechlich, soo kaar ti raus kesuuchte. 29 Klaych noo ti kroos tripulatsyoon fon tiise taache, wërt ti sun fertunkelt kepe, te moont tuut noo lose se xayne, ti xtërne tuun fom himel fale un ti krafte fom himel wëre kexitelt. 30 Tan, tuut een sinaal fom Mënxe Soon am himel tsum foer xayn khome un ti kanse foleke fon te eyert tuun weeche angst sich aan te prust xlaae, un tii tuun te Mënxe Soon siin uf te wolke fom himel khome mit macht un kroos hërlichkheet. 31 Un torich een xtark ploos fon trompet, tuut eyer sayn engele xike un tii tuun tëm sayn rauskesuuchtne fon te fier wint samele – fon een ën fom himel pis tsum aner. 32 Lërnt fon te ilustratsyoon fom fayche paam: soo wën ti naye nestche woych wëre un kriin pleter aan, wist teyer tas te sumer ticht is. 33 In te selwich aat, wen teyer ale tiise tings siin tuut, weest tas eyer ticht, foer te teer, xteet. 34 Uf khee fal tuut tiise xeneratsioon ferkeen, pis ale tiise tinge pasiire. 36 “Un nimant wees te taach un ti xtun, noch net mool ti engele im himel orer te Soon; ploos te Fater wees es. 37 Wayl kraat soo wii Noee sayn taache waare, soo wërts sin wën te mënxe Soon too is. 38 Wayl in tëne taache foer te sintfluut hon ti layt kes un ketrunk, ti mëner hon kehayrat un ti fraae sin kep woer fer sich ferhayrate, pis tsum taach woo Noee in ti arich rin kang is, 39 un tii hon sich niks traus kemacht, pis ti sintfluut khom is un se al wech kekheert hot. Soo wërts sin wën te mënxe Soon too is. 40 Tan wëre tswaay mëner ufm khamp sin; eene wërt mit kenom un te aner wërt tsurik kelos. 41 Tswaay fraae tuun mit een hant miil maale; een wërt mit kenom un ti aner wërt tsurik kelos. 42 Un tan playpt wachsam, wayl teyer wist net in was fer taach te Hër khomt. 43 Awer ferxteet tas: Wën te hër fons haus wist in was fer uertsayt te xpitspuup khome teet, teet eyer wach plaype un net sayn haus in prëche lose. 44 Tes weeche, halt aych aach fërtich, wayl te Mënxe Soon khomt in een xtun woo teyer net tenkt. 45 Weer is wërklich te troye un ferninftiche sklaaw, woo sayn hër kexikt hot fer sayn haustiiner, in te richtich tsayt, tas esmitel kepe? 46 Froo is tiise sklaaw wën sayne hër khomt un siit, tas eyer tas kenau macht! 47 In woerheet saan ich aych: Tee tuut tiise sklaaw iwich sayn kanse aychentume in xtele. 51 eyer wërt tëm xtroofe in een xtrenger aat ...