1te Thesalooniker

3 Wayl tas is Kot sayn wile: teyer solt haylich sin un sich fon te seksuaal imoraliteet wech hale. 4 Yeete eene fon aych sol wise wii sayn aychne khërper in haylichkheet un eer kontroliire, 5 nët wii ti natsioone woo Kot nët khëne tuun, woo seksuaal luste oone kontrol hon woo nii kenuuch is. 6 Nimant sol yaus fon te moraalix krënse keen un xaate fer sayne pruuter iwer tiise sache mache, wayl Yeehoowa tuut weeche tiise ale tinge xtroofe, soo wii mëyer aych foer heer kesaat hon un aach xtarëk aych aan kereet hon. 9 Awer, mer prayche aych net xraype iwer priiterlich liip, wayl Kot tuut aych in lërne eene ti anere liipe. 10 (...) Awer priiter, mer muute aych uf fer tas imer mee mache. 13 Un aach, priiter, mer wole tas teyer tsum wise kriit iwer tii woo im toot am xloofe sin, fer net iwermeesich traurich kepe wii ti anere layt woo khee hofnung hon. 15 Wayl mëyer hon tas fer aych kesaat torich Yeehoowa sayn wort: mëyer woo lepeentich sin, woo pis te taach woo te Hër too wëyer, iwer leepe tuun, tuun mer uf khee aat foer keen fon tii woo im toot in kexloof sin; 16 wayl te aychne Hër tuut fom himel runer khome un tuut hart ruufe mit te xtim fon tëm haupste ëngel un mit Kot sayn trompët, un ti toote woo eenich mit Kristus sin, wëre ti ëyertse woo uf xtaye tuun. 17 Nochter, meyer, ti lepeentiche, woo iwer leepe tuun, wëre mit tëne in te wolke kenom fer te Hër in te luft aan se trëfe; un soo wëre mer imer mit tëm Hër sin. 18 Soo tuut aych wayter naner treeste mit tiise wërter.