Matheus

17 Wii Yeesus ruft noo Yeruusalem am keen waar, hot eyer ufm weech ti 12 tisipele uf ti sayt keruuf un tëne kesaat: 20 Too is ti muter fom Sepeteu sayn khiner mit sayn puupe, ticht pay tee khom un hot sich foer tee hin kepikt un etwas fon tëm ferlangt. 21 Tee hot fer tii kefroot: “Was wilst tuu?” Tii hot keantwort: “Këp tayn wort tas tiise tswaay puupe woo mayn sin, sich in tayn Raych neewich tich sëtse, eene aan tayn rëchte sayt un te anere aan tayn linkse sayt.” 22 Yeesus hot keantwort: “Tëyer weest nët was tëyer ferlange tuut. Khënt tëyer te kanëk trinke woo ich trinke tuun?” Ti hon tëm keantwort: “Mëyer khëne.” 23 Tee hot tëne kesaat: “Yaa, kewis tuut tëyer fon mayn kanëk trinke, awer sich aan mayn rëcht un links sayt se sëtse, keheert nët meer se saan. Tiise plëtse keheere tëne fer tii woo mayn Fater se foer perayt hot.” 24 Wii ti anere tseen tas tsum wise kriit hon, sin se pees mit te tswaay priiter kep. 25 Awer Yeesus hot tëne keruuft un kesaat: “Teyer wist tas ti rechiirente fon te natsyoone tuun tas folek xike un tas ti wichtiche mëner autoriteet iwer ti layt hon. 26 Tswixich aych, sol tas net soo sin; awer weer wil kroos tswixich aych sin, mus ti anere tiine; 27 un weer wil te eyerst tswixich aych sin, sol ti anere sayn sklaaw sin, 28 kraat soo wii te Mënxe Soon khom is, net fer petiint se wëre, awer fer se tiine un sayn leepe kepe wii een opfer fer fiile fray se khaafe.” 30 Tswaay pliinte mëner, woo neewich te xtroos kesitst waare, hon tan keheert tas Yeesus tat am torich keen waar, un tii hon kexraayt: “Hër, Soon fon Tawi, say parmhërtslich mit uns!” 31 Awer tas folek hot se kexënt un kexikt ruych plaype. Awer tii hon noch hërter kexraayt: “Hër, Soon fon Tawi, say parmhërtslich mit uns!” 32 Too is Yeesus xtil kehal, hot se keruuft un tëne kefroot: “Was wolt teyer? Was sol ich fer aych mache?” 33 “Hër, mach unser aue uf” — hon se keantwort. 34 Yeesus hot se ketauert un hot in sayn aue traan kekrif. Tan, in te selwich xtun, hon se aan kefang noch mool siin un tii sin tëm noo kang.