Hepreeyer

6 Tes weeche, wayl meyer ti eyerste inlërnunge iwer Kristus hinich uns kelos hon, wole mer foran keen fer rayfe layt wëre un net een funtament noch mool leye, es wil saan, sich fon toote aarwayte raue un klaape aan Kot hon, 2 ti inlërnung iwer ti taafe un iwer hënt uf yemant laye, tas ufxtaye fon te toote un tas eewich kericht. 4 Wayl, tii woo xon te khëntnis hon, hon tas himlixe kexenk keproopt un sin teel fom hayliche kayst kep 5 hon tas kuute wort fon Kot un ti macht fon te tsukhunft fon te welt keproopt kehat, 6 awer tii sin ferloer kang, es is unmeechlich tas tii sich noch mool peroye teete; Wayl tii tuun Kot sayn Soon noch mool fer sich selepst aan te phool naachle un tuun tee foer te layt xpote. 9 Awer, opwool meyer tas saan, meyer sin uns sicher fon pesere tinge in ayre situatsyoon (...) 10 Kot is net unkerecht. Soo ferkest eyer sich net fon te aarwayt un ti liip woo teyer tsu sayn naame ketsaycht hot, wii teyer ti hayliche ketiint hot un tii wayter tiine tuut. 11 Awer meyer wole hon tas teyer al flaysich sayt fer aych kans sicher fon te hofnung pis aans ën sin. 12 Soo, sayt net faulënser, awer macht noo tii, woo torich te klaape un ti ketult, ti ferxpreche ërpe. 15 Soo Apraham, noo tas eyer ketult ketsaycht hot, hot tiise ferxpreche kriit. 17 Kraat soo, wii Kot wolt es taytlich lose fer tii woo ti ferxpreche ërpe teete tas tëm sayn tsill sich net ënere teet, hot eyer tas mit een jurament karantiirt. 18 Soo, torich tiise tswaay tinge woo sich net ënere un woo unmeechlich sin tas Kot liie tuut, khene meyer — woo tsum xuts plats aus keris sin — uf kemuut wëre fer uns fest hale aan te hofnung woo foer uns is. 19 Tiise sicher un fest hofnung woo mer hon, is wii een anker fer unser seel, un keet rin pis tas plats woo hinich te foerhang is, 20 tat woo yemant foer kang is un is rin khomt fer unser nuts: Yeesus, woo te hooche priister këp is fer imer soo wii Melkisetëk waar.