Markus
30 Un ti aphostele hon sich um Yeesus rom kesamelt un iim fertseelt ales was se kemacht un kelërnt hate. 31 Un tee hot tëne kesaat: “Khomt mit meer un wole mer pis een ruych plats keen fer een pisye ruue.” Wayl tat es waare fiile layt woo khom un kang sin, un noch net mool fer se ese, hate se tsayt. 32 Tes weeche, in een xif, sin se tsu een plats kang woo khee layt waare, tas se khonte aleen plaype. 33 Awer ti layt hon se kesiin wech keen, un fiile hon tas tsum wise kriit. Un tii sin tsu fuus fon ale xtete khom un sin eente wii tii tat hin khom. 34 Wii Yeesus aus kextii is, hot eyer een kroos folek kesiin un hot se ketauert, wayl se wii xeef oone xeefer waare. Un tee hot aan kefang tëne fiil tings in se lërne. 35 Tas waar xon xpeet, un sayn tisipele sin pay im khom un kesaat: “Tas plats is apkeleechen un tas is xon xpeet. 36 Xik ti layt toch wech, tas se khene uf ti kolonii orer in ti altee woo hiir rom sin hin keen un etwas khaafe fer ese.” 37 Tee hot keantwort: “Kept teyer tëne etwas fer ese.” Tan hon se kefroot: “Sole mer fer 200 tenaarye proot khaafe, un ti layt tas kepe tsum ese?” 38 Tee hot tëne kesaat: “Wii fiil proot hot teyer? Keet mool kuke!” Noo tëm woo se kekukt hon, hon se kesaat: “Finef, un noch tswaay fix.” 39 Tee hot kexikt tas se selte sich al in krup samele un uf tas kriine kraas setse. 40 Soo hon se sich in krupe fon hunert un krupe fon fuftsich hin kesets. 41 Tee hot ti finef proot um tswaay fix kenom un noom himel kekukt un hot kepeet. Noochter hot tee tas proot torich kemacht un sayn tisipele kep tas se solte tas unich ti layt ferteele un soo hot tee aach ti tswaay fix unich ale aus keteelt. 42 Soo hon se al kes un sat kewoer; 43 un hon 12 kherep fol mit proot samer keraft, un noch was iwrich waar fon ti fix. 44 Tii woo fom tas proot kes hon waare 5.000 mëner. 51 Too is eyer mit tëne im xif in kextii un te wint hot noo kelos se ploose. Wii se tas kesiin hon, hon se sich ferxrok, 52 wayl tii net ferxtan hon was tas wuner fom proot petayt hot. Sayn hërtse waare noch net uf tsum ferxtëntnis.