Isayas

2 Weer hot kemacht tas yemant fom lëst tsum foer xayn khom is, Un hot tëm tsu Sayn fiis keruuft tas eyer kerechtichkheet mache solt, Fer tëm natsyoone iwerkepe Un mache tas eyer kheeniche hërxe solt? Weer macht tas se xtaap foer sayn xwaart wëre, Un tuut se foer sayn pooche wii xtroo aus naner xtraue? 5 Ti insele hon tas kesiin un hon pang kriit. Ti wayteste pletse fon te eyert hon aan kefang se tsitere. Tii samele sich un keen foran. 8 “Awer tuu, oo Israël, pist mayn tiiner; Tuu, oo Yaakop, nookhomer fon mayn fraaynt Apraham, Es pist tuu woo ich raus kesuucht hon, 10 Tuu khee pang hon, wayl ich sin mit teer. Kep net ëngstlich, wayl ich sin tayn Kot. Ich tuun tich xtërke, yaa, ich tuun tich helfe. Ich tuun tich fest hale mit mayn recht hant fon kerechtichkheet. 11 Kuk mool! Al woo pees mit tich wëre, wëre kexeemt un niter kextelt. Tii woo keeche tich khëmpfe, wëre tsu kaar niks kemacht un tuun um khome. 12 Tuu tuust suuche tii woo keeche tich khëmpfe, awer tuu tuust se net fine. Ti mëner woo keeche tich kriiche wëre net mee eksistiire, yaa tii wëre tsu kraat kaar niks kemacht. 13 Wayl ich, Yeehoowa, tayn Kot, hale tayn recht hant fest; Ich sin tee woo tich saat: ‘Tuu khee pang hon. Ich tuun tich helfe.’