1te Timoteus

2 ti eltere fraae, wii mutere, un ti yunge, wii xwestere, mit een rayne hërts. 4 Awer wën een witfraa khiner orer enkelskhiner hot, sole se eyerst lërne sayn troyheet tsu Kot tehëm tsayche, un tsu sayn eltere un krooseltere tsurik kepe was tëne keheert, wayl tas kefalt Kot. 8 Sicher, wën yemant net fersoricht fer sayn aychne parente was neetich is — hauptseechlich fer tii woo fon sayn familye sin — tuut eyer keeche sayne klaape keen un is xlechter wii yemant woo khee klaape hot. 13 Tii sin aach keweent niks se tuun hon un hin un heyer in te hayser keen. Un net ploos tas: tii tuun aach kwatxe un sich rin mexe aan te anere sayn sache, un tinge saan woo se net sole. 17 Ti elteste woo kuut fiire, sole topelte eer fertiine, hauptseechlich tii woo xtram xafe im xpreche un in lerne. 20 Tisipliniir tii woo sinte pratikiire foer al ti peopachter, tas ti anere soo awisiirt wëre. 21 Ich tuun tich ërnstlich xike — foer Kot, Yeesus Kristus un ti rauskesuuchtne engele — tas tuu tiise oryentiirunge folichst oone prekonseyt orer sayte hoole. 23 Trink net mee waser, awer trink een pisye wayn weeche tayn maache un wayls tuu ofts mool krank pist.