Xpriiche

3 Tee woo ti kluucheet liipt, macht sayn fater froo, Awer tee woo mit te huurer fraae keet, xmayst sayn raychtum wech. 4 Torich ti kerechtichkheet pringt te kheenich xtapiliteet tsu tas lant. Awer te man woo fersuucht sich ferkhaafe, macht fon tas lant een ruiin. 5 Te man woo ti anere uf tsiit, Xtelt een fal fer tëne sayn fiis. 11 Tee woo tum is, lost tas sayn kanse xpiirunge raus keen, Awer tee woo kluuch is, playpt ruych un tuut se kontroliire. 18 Wëns khee profëtix wisyoon kept, wërt tas folk oone kontrol, Awer tii woo tas kesets aan heere, wëre froo sin. 20 Host tuu xon kesiin te man woo xprecht foer se tenke? Kepts mee hofnung fer een tume wii fer tee. 22 Weer laycht pees wërt, tuut xtrayte uf hetse; un weer een wuutich personaliteet hot, tuut fiil feeler mache. 25 Foer mënxe se tsitere is een fal, Awer tee woo sich uf Yeehoowa ferlost, wërt pexitst.