Hepreeyer

4 Tës weeche, wayls noch een ferxprëche feelt, fer in tëm sayn ruu rin khome, tuun mer uf phase tas khee eene fon aych ti keleechenheet ferliirt fer tas se kriin. 4 Wayl in een teel fon te Xrifte hot er iwer ti siipte taach kesaat: “Un Kot hot fon sayn ale aarwayt in tëm siipte taach keruut”, 6 Soo, wayl ëtliche fon tëne feele in tee rin khome, un tëne, fer weem ti kuute oter te ëyerste aus kexprooch këp sin, sin weeche ti unfolichkheet nët rin khom, 9 In een aat tas es een samstaach ruu feelt fer Kot sayn folek. 10 Wayl te man woo in Kot sayn ruu rin khom is, hot aach fon sayn aychne aarwayte keruut, soo wii Kot fon sayn aarwayte keruut hot. 11 Soo wole mer unser pestes mache fer in tiise ruu rin khome, tas nimant tas selwiche payxpiil fon unfolichkheet wayter noo keet. 12 Wayl Kot sayn wort is lepeentich un xtark. Un tas is xërfer wii yeete xwaart woo uf te tswaay sayte xnayt un keet soo tiif tas se khan ti seel un te kayst, un aach ti kelënke un ti maarich knoche aus naner xnayte, un es khan ti ketanke un tas was tas hërts pleent foer pringe. 13 Un es kept kheen kriatsyoon ferxtekelt foer tëm, awer ales is nakich un uf ketekt foer ti aue fon tëm mit weem mer een aprechnung mache mise. 14 Tes weeche, wayl meyer een kroose hooche priister hon, woo im himel rin kang is — Yeesus, Kot sayn Soon —, wole mer uns fest hale aan unser puuplix ausxprechung iwich tëm. 15 Wayl mer hon wii hooche priister, net yemant woo unser xwacheete net ferxteen khan, awer eene woo, soo wii meyer, in ales keproopt kep is, awer oone sint. 16 Soo, mit fertraung, wole mer ticht am troon fon unfertiint kuutheet khome, fer parmhërtslichkheet kriin un unfertiint kuutheet fine fer uns helfe in te richtich tsayt.