Xpriiche

3 Mayn soon, ferkes net mayn inlërnunge, Un tas tayn hërts mayn kepoote in halt, 3 Ti leaale liip un ti troyheet sole tich net im xtich lose. Tuu se um tayn hals rom pine; Xrayp se uf tëm pret fon tayn hërts; 4 Wayl tan, tuust tuu Kot un ti mënxe kefale, un tii tuun tich wii eene xlaue mënx siin. 5 Trau uf Yeehoowa mit tayn kans hërts; tuu net aan tayn aychne ferxtëntnis traue. 6 Tenk aan tëm in ale tayn weeche Un eyer tuut tayn weeche richt mache. 7 Wërt nii xlau foer tayn aychne aue. Tsaych tiif respëkt tsu Yeehoowa un hal tich weech fon was xlecht is. 9 Eer Yeehoowa mit tayn kiltiche tinge, Mit te eyerst frucht fon tayn ërntung; 12 Wayl Yeehoowa tisipliniirt tii woo eyer liipt, Soo wii te papa mit sayn liipe soon macht. 13 Froo is te man woo kluucheet fint Un aach te man woo ferxtëntnis kriit; 14 Kluucheet kriin is peser wii silper kriin, Un tii hon, is peser wii kolt hon. 15 Tii hot mee weyert wii koraale; Niks was tuu winxt khan mit tëne ferklaycht wëre. 16 In sayn recht hant, is een lang leepe; Un im links, raychtum un hërlichkheet. 17 Sayn weeche sin kuut, Un sayn xtroose al sin friitlich. 18 Tii is een paam fom leepe fer tii woo sich aan tëne traan hale. Un tii woo se fest hale, wëre froo kenënt. 21 Mayne soon, tuu net tiise tinge ferkese. Tuu ti praktix kluucheet un ti apiliteet fer se tenke, xitse. 22 Tii tuun tich leepe kepe (...) 23 Soo tuust tuu uf tayn weech in sicherheet keen un tayn fuus tuut nii xtolpere. 25 Tuu tuust net pang hon fon etwas woo khent tich pletslich ferxreke, 27 Hal tich net tsurik fer tas kuutes mache fer tii woos tuu es mache solst, Wëns meechlich fer tich is se helfe. 28 Saa net fer ti anere: “Kee, khom xpeeter! Ich kepe tich moye etwas”, wëns tuu yets was kepe khanst. 32 Yeehoowa hast ti falx persoon, Awer hot een ëng fraayntxaft mit te kerechte.