Yoohan
3 Tswixich ti fariseer hats een man kep woo Nikotemus keheest hot. Tee waar een fiirer fon te yuute. 2 In te nacht, is eyer tsu Yeesus khom un hot tëm kesaat: “Rapii, meyer wise tas tuu een leerer pist woo fon Kot kexikt kep is, wayl oone Kot sayn hilef, khan khee persoon ti wunere mache woos tuu machst.” 3 Yeesus hot tëm keantwort: “Ich saan tich mit kans sicherheet: Heechstens wën yemant noch mool kepoer wërt, khan eyer net Kot sayn Raych siin.” 4 Nikotemus hot tëm kefroot: “Wii khan een mënx noch mool kepoer wëre wën eyer xon alt is? Meecht eyer im layp fon sayn muter noch mool rin keen khan un noch mool kepoer wëre khan?” 5 Yeesus hot keantwort: “Ich saan tich mit kans sicherheet: Heechstens wën yemant fom waser un fom kayst kepoer wërt, khan eyer net in Kot sayn Raych rin keen. 6 Tee woo fom flayx kepoer is, is flayx; un tee woo fom kayst kepoer is, is kayst. 7 Ferxrek tich net wayl ich tich kesaat hon: Teyer mist noch mool kepoer wëre. 8 Te wint ploost woo eyer wil, un ma khan sayn raux heere. Awer ma khan net wise fon woo eyer hin khomt un woo eyer hin keet. Tas is kraat soo fer yeete eene woo fom kayst kepoer wërt.” 9 Tan, hot Nikotemus tëm kefroot: “Wii khene tiise tinge meechlich sin?” 10 Yeesus hot keantwort: “Tuu pist een leerer fon Israël un noch soo weest tuu net tiise tinge?” 11 Ich saan tich mit kans sicherheet: Meyer xpreche iwer was mer wise un kepe mer tsaye fon was mer siin, awer teyer nëmt net aan ti tsaye woo mer kepe. 13 Neewich tëm, khee aner mënx is tsum himel kang, awer ploos tee woo fom himel runer khom is, te Mënxe Soon. 16 Wayl Kot ti welt soo fiil keliipt hot, hot eyer sayn eensiche kepoerne Soon kep, tas yeete eene woo aan tëm klaapt net fernicht wërt, awer eewiche leepe kriit. 29 (...) ‘Tes weeche is mayn frayt fol. 30 Tee mus imer wayter wakse un ich mus imer wayter kleene wëre.’ 34 Wayl tee woo Kot kexikt hot, tuut Kot sayn ausxprechung saan, wayl Kot tuut net xpaare wën eyer sayn kayst kept. 35 Te Fater liipt te Soon un hot ale tinge in sayn hënt ap kep. 36 Weer klaape aan te Soon iipt, hot eewiches leepe. Weer te Soon nët aan heert, tuut tas leepe nët siin, awer Kot sayn wuut playpt iwer tëm.