Aphostele sayn Kexicht

17 Tan sin se torich Anfiipolis un Apoloonya kereest un sin tsu Thesaloonika khom, woos een sinakook fon te yuute kep hot. 2 Wii Phaul keweent waar, is eyer rin kang un hot mit tëne kexproch un torich tray samstaache hot eyer ti Xrifte penutst fer mit tëne arkumentiire: 3 eyer hot aus keleet un pewayst, tëm noo was kexrip kep waar, tas es neetich waar tas te Kristus layte teet un fon te toote uf keruuft wëre mist, tan hot eyer kesaat: “Tiise Yeesus, woo ich aych pekhant mache, tas is te Kristus.” 4 Weeche tas sin etliche fon tëne klaapich kep (...) 6 Wayl se tëne net kefun hon, hon se, mit kropheet, Yason un etliche priiter tsu te autoriteete fon te xtat kenom. Un tii hon kexrayt: “Tiise mëner, woo ti kans eyert uf kehetst hon, sin aach too! 7 Un Yason hot se in sayn haus aan kenom. Tiise mëner al keen keeche Sësar sayn kesetse; tii saan tas es een aner kheenich kept: Yeesus.” 10 Kraat wiis nacht kep is, hon ti priiter Phaul un Silas pis Perëya kexikt. Wii se tat hin khom sin, sin se pis te sinakook fon te yuute kang. 11 Tii hate een peser aanxtelung wii ti yuute in Thesaloonika, wayl se tas wort kërn aan kenom hon; un yeete taach, hon se ti Xrifte uner suucht fer se siin ep tiise tinge kraat soo waare wii se tëne kesaat hon. 16 Wii Phaul tii in Atenas am waarte waar, hot eyer sich aarich keayert wayl eyer kesiin hot tas ti xtat fol itole waar. 17 Soo, hot tee aan kefang in ti sinakooke mit ti yuute un mit anere layt woo Kot aan kepeet hon se xpreche un arkumentiire, un aach yeete taach mit tëne woo uf ti haupst prase waare. 21 In woerheet, al ti layt fon Atenas un aach ti auslënter woo tat kewoont hon, hon net sayn fray tsayt penutst mit niks aneres wii nayichkheete fertseele orer heere. 22 Tan, hot Phaul sich in te mite fom Areopako hin kextelt un hot kesaat: “Mëner fon Atenas, in ales was ich kesiin hon, mërke ich tas teyer mee tiif respekt fer ti keeter hot wii ti anere. 23 Tsum payxpiil, wii ich torich kang sin un ayre aanpeetungs opjëkte mit acht peopacht hon, hon ich soo kaar een altar kefun mit tiise wërter in kexrip: ‘Fer een unpekhante Kot.’ Nayaa, ich tuun tiise Kot, woo teyer oone se khëne aan peet, fer aych pekhant mache. 24 Te Kot woo ti wëlt kemacht hot un ales was in te is, tee, woo te Hër fom himel un fon te ëyert is, woont nët in tëmple, woo mit hënte kemacht këp sin. 25 Tee praucht net fon mënxliche hënt petiint kepe, wii wën tëm etwas feele teet, wayl eyer selepst tuut fer yeete eene leepe, luft un ale tinge kepe. 26 Un tee hot fon ploos eene mënx ale mënxliche natsyoone kemacht, tas se uf te kans eyert woone solte, un hot ti tsayte pextimt un ti krënse fon te woonung pletse fon te mënxe in kextelt. 27 Wayl Kot wil hon tas ti mënxe tëm suuche, yaa, tas se tëm ërnstliche suuche un tëm wërklich fine, wayl in woerheet, is eyer net wayt fon yeete eene fon uns. 28 Weeche tëm tuun mer leepe, uns weekele un eksistiire. Soo wii etliche fon ayre poëte kesaat hon: ‘Wayl meyer aach sayn khiner sin.’ 30 (…) awer yets, saat eyer fer ale layt, iweraal, tas se sole sich peroye. 31 Wayl tee hot een taach in kesets fer ti pewoont eyert mit kerechtichkheet richte, ...