Isayas

43 Yets, soo saat Yeehoowa, Tayn Kriatoer, oo Yaakop, tee woo tich kemacht hot, oo Israël: “Prauchst khee pang hon, wayl ich hon tich keret. Ich hon tich torich tayn naame keruuft. Tuu keheerst mich. 2 Wëns tuu torich tas waser keest, wëre ich pay tich sin. Un, wëns tuu ti fluse torich keest, tuun se tich net iwerkhome. Un wëns tuu torich tas fayer laafst, tuust tuu tich net ferprëne, Un sayn flame tuun tich net prëne. 4 Wayl tuu host fiil weyert foer mayn aue kriit; Tuu pist keert kep un ich liipe tich. Tes weeche kepe ich layt uf tayn plats Un natsyoone im plats fon tayn leepe. 9 Al ti natsyoone sole sich uf ploos eene plats samele, Un al ti folke sole kesamelt wëre. Weer tswixich tëne khan tas pekhant mache? Khene se uns ti eyerste tinge fertseele? Tee sol sayn tsayer foer xtele, fer se tsayche tas eyer recht hot. Tii sole heere un saan: ‘Tas is ti woerheet!’” 10 “Teyer sayt mayn tsayer”, saat Yeehoowa, “Yaa, mayne tiiner woo ich raus kesuucht hon, Tas teyer mich khënt un aan mich klaapt, Un ferxteet tas ich te selwiche sin. Foer mich waar es khee aner Kot kemacht kep Un noo mich tuuts wayter khee aner kepe. 11 Ich sin Yeehoowa: es kept khee aner reter.” 12 “Ich hon es kesaat, keret un pekhant kemacht, Wën es khee frëmte kot tswixich aych waar. Tes weeche sayt teyer mayn tsayer”, saat Yeehoowa, “un ich sin Kot. 13 Un noch, ich sin imer te selwiche; Un nimant khan was aus mayn hant rope. Wayl, wën ich was mache, weer khan mich um hale?” 21 Tas folek woo ich fer mich kemacht hon Fer mich foer te anere loope.