Xtutiire — Wii?

Lërn mee iwer Yeehoowa sayn wunerliche kwaliteete

Wën mer ti Piipel leese, khene mer unersuuchunge mache fer peser ferxteen was meyer leese. Awer meyer wole net ploos unser khëntnis iwer ti Piipel ferkreese. Meyer wole mee iwer Yeehoowa sayn wunerliche kwaliteete lërne un soo, unser liip tsu tëm tiifer lose. Fer tas hin kriin, khene mer uns frooe: ‘Was lërne ich iwer Yeehoowa mit tiise xtik fon te Piipel?’

Tsum payxpiil, tuu khanst fersuuche mee lërne iwer wii Yeehoowa sayn liip, kluucheet, kerechtichkheet un kraft tsaycht. Awer tuu khanst aach iwer anere fon Yeehoowa sayn xeene kwaliteete lërne. Woo khanst tuu mee informatsyoone too triwer fine?

Kuk ti list woo tsaycht mee wii 50 fon Yeehoowa sayn kwaliteete im Índice das Publicações da Torre de Vigia, unich tëm theema “Jeová” un tan “Lista de qualidades”. Unersuuch tii woo mit tëm xtik woos tuu am leese pist, phase. (Wëns tuu ploos te Guia de Pesquisa para Testemunhas de Jeová host, kee tsum theema “Jeová Deus” un tan “As qualidades de Jeová”.)