Tuu nutse kriin fon te ferpuntne informatsyoone

Wëns tuu ti Tradução do Novo Mundo da Bíblia Sagrada leest, tuust tuu mërke tas am ën fon phaar wërter kepts een kleen puuchxtaap. Fer was? Fer se tsayche tas es kept ferpuntne informatsyoone, es wil saan, anere tekste iwer ti selwiche sache woo mee kleenichkheete kepe. Tiise ferpuntne informatsyoone tsayche tas ti unerxiitliche teele fon te Piipel tuun eene mit te anere xtime. Wëns tuu een ausketrukne Piipel penutst, khanst tuu yeete eene fon tiise kleene puuchxtaape suuche in te mitel sayl fon te sayt. Wëns tuu ti Piipel leest im site jw.org orer im aplikatiiw JW Library^®, tuu ploos uf te puuchxtaap truf trike fer ti ferpuntne informatsyoone uf mache.

Was fer sort kleenichkheete khene mer in te ferpuntne informatsyoone fine? Wole mer etliche payxpiile siin:

Ti selwich kexicht: Ti ferpuntne informatsyoone nëme tich tsu te selwich kexicht in een aner puuch fon te Piipel. Tsum payxpiil, kuk 2 Samuël 24:1 un 1 Kroonike 21:1.

Ti selwiche wërter: Ti ferpuntne informatsyoone tsayche fon woo sin ti wërter khom woo yemant penutst hot. Tsum payxpiil, kuk Matheus 4:4 un Teuteronoomyum 8:3.

Ti profetsiie un sayn erfiilung: Ti ferpuntne informatsyoone tsayche een profetsii un sayn erfiilung. Tsum payxpiil, kuk Matheus 21:5 un Sakarias 9:9.