Sòm

60 O Bondye, ou lage nou, ou kraze nou+.

Ou fache ak nou, men kounye a, aksepte nou tounen vin jwenn ou.

 2 Ou te fè tè a tranble, ou te fann li.

Repare kote ki fann yo, paske li sou wout pou l tonbe.

 3 Ou lage pèp ou a nan pwoblèm.

Ou te fè nou bwè diven ki fè nou balanse de bò+.

 4 Bay* moun ki gen lakrentif pou ou yo yon siyal

Pou yo ka kouri pou yo pa pran kout flèch. (Sela)

 5 Sove nou ak fòs ponyèt ou e reponn nou

Pou moun ou renmen yo ka jwenn delivrans+.

 6 Bondye ki sen an pale*, li di:

“M ap rejwi, m ap bay Sichèm kòm eritaj+,

M ap mezire Vale Soukòt+.

 7 Se pou mwen Galaad ak tribi Manase a ye+,

E tribi Efrayim nan se kas pou m met sou* tèt mwen.

Jida se baton pou m kòmande a+.

 8 Mowab se kivèt mwen+.

M ap voye sandal mwen sou Edòm+.

M ap pote laviktwa sou Filisti+.”

 9 Kiyès k ap mennen m nan vil ki ansèkle* a?

Kiyès k ap mennen m jis nan peyi Edòm+?

10 Èske se pa ou menm, o Bondye, ou menm ki lage nou an,

Ou menm, Bondye nou an, ki pa soti ak lame nou yo ankò a+?

11 Se pou w ede nou nan malè nou ye a,

Paske, sa pa itil anyen pou nou tann delivrans nan men lèzòm+.

12 Bondye ap ban nou fòs+

E l ap pilonnen ènmi nou yo anba pye l+.