69 Nan moman sa a, Pyè te chita deyò nan lakou a. Gen yon sèvant ki vin bò kote l, ki di l: “Ou menm tou, ou te avèk Jezi, moun Galile a+!” 70 Men, li nye sa devan yo tout, li di: “Mwen pa konn sa w ap di a.”

66 Twouve, pandan Pyè te anba a nan lakou a, youn nan sèvant gran prèt la parèt+. 67 Lè l wè Pyè k ap chofe dife, li gade l fiks, epi li di: “Ou menm tou, ou te avèk Jezi, moun Nazarèt la.” 68 Men, li nye sa, li di: “Mwen pa konnen l, ni m pa konprann sa w ap di a.” Epi, li soti deyò toupre pòtay la*.

55 Yo limen yon dife nan mitan lakou a, yo chita ansanm, e Pyè vin chita nan mitan yo+. 56 Men, gen yon sèvant ki wè Pyè chita bò dife a ki te byen klere, li gade l byen gade, epi li di: “Mesye sa a te avè l tou.” 57 Men, Pyè nye sa, li di: “Mwen pa konnen l, madanm.”

25 Twouve, Simon Pyè te kanpe la, li t ap chofe dife. Epi, yo di l: “Ou se youn nan disip li yo tou, pa vre?” Li nye sa, li di: “Non+.”