Sa ki gen atik etid yo

OBJEKTIF ATIK ETID YO

ATIK 1, 2 PAJ 10-19

Ansèyman fo relijyon yo fè plizyè milyon moun ap kabicha oswa ap dòmi nan domèn espirityèl. De atik sa yo montre nou kòman nou kapab leve moun yo nan dòmi e poukisa nou dwe fè sa san pèdi tan. Mete sou sa, y ap aprann nou ki jan pou nou kontinye aji san pèdi tan e ki sa sa vle di pou nou preche san pèdi tan.

ATIK 3 PAJ 20-24

Apot Pyè te di kretyen Bondye chwazi pou y al nan syèl yo gen “yon esperans ki vivan”. (1 Pyè 1:3.) Ki jan sa fè posib, e ki rapò esperans yo a genyen ak “lòt mouton” yo (Jan 10:16)? Atik sa a ap ede w wè rezon ki fè w dwe rejwi nan esperans ou an e rezon ki fè w dwe tann li vin yon reyalite.

ATIK 4 PAJ 25-29

Yon lè, Jezi te bay avètisman ki vin annapre a: “Sonje madan Lòt.” ​(Lik 17:32). Poukisa Jezi te bay avètisman sa a? Nan atik sa a, nou pral wè twa domèn kote nou kapab bezwen suiv avètisman sa a. Gade pou w wè si avètisman Jezi te bay la kapab itil ou nan twa domèn sa yo.